Shillong, Rymphang 14: Ka Tnad Pule Puthi ka jylla kala pynkhreh ban thungkam noh ia 500 ngut ki nonghikai ha ki skul Lower Primary bad Upper Primary ka Sorkar, kiba don hapoh ka jylla.
Ia kane la pyntip da u Special Project Director ka SSA u Swapnil Tembe hynne ka nsgi Thohdieng.
“Kaba ngi da sngewkhia bha mynta, ka dei halor ka jinglait ki kam hikai kumba 500 tylli na ka bynta ki skul LP bad UP ha ka jylla” ong u Tembe.
U Tembe ula ong, ba ha u snem ba la dep, ka tnad pule puthi kala dep ban thungkam kumba 1000 ngut ki nonghikai ha ki skul LP.
“Mynta ngi lah pynlhreh ia ka Roster bad shisien ba ngi lah ioh jingmynjur ia ka jingpynba laitkam ne Advertisement na ka sorkar jylla, ngin sa sdang noh ia ka jingthmu ban thepkam thepjam. Ngi dang pyrshang ban pyndep kloi kat kaba lah ia kane ka kam” ula ong.
