Nongpoh, Rymphang 14 : Ki Pulit ka Ri-Bhoi District hynnin ka janmiet, kila ioh ban kem ia 5 ngut ki samla kiba suba dei ki nongkhaii bad nongdih droks na ka shnong Umshangling kaba hap ha Nongpoh Police Station.
Kat kum ka jingiathuh ki Pulit, kane ka jingiohkem ka dei kaba la wan jia hadien ka jingbuddien bha ia kine ki briew. Ia kine ki briew la ioh kem na kawei ka auto rickshaw bad ioh kurup ruh ia ka pisa lem bad uwei u thirnia injek droks.
U Additional Superintendent of Police ka District Ba Jason Mairom u iathuh ba ki Pulit kila khtong ia kane ka auto rickshaw ban ioh bat ha ka shnong Umshangling.
Ula pyntip ba ia kine ki 5 ngut la kit noh sha Nongpoh Police Stationn ban pynlong ia ka jingtohkit ban lapdien ia ka thymmei jong u droks nalor la pyntip ruh sha ki bahaiing hasem jong ki.
Une u Heh Pulit u pyntip ba ki Pulit ka Ri-Bhoi kiba pynkhlain bha ia ka jingiakhun ban rat dyngkhong ia u droks hapoh ka District.
Ula pynpaw ruh ba ki bor Pulit ki long kiba kloi ban ai jingiarap ia kito kiba la ngop ha une u jingdih lada ki kwah ban lait noh na u kynjri jong u.
