Shillong, Rymphang 03: Ki pulit jong ka ANTF East Khasi Hills ha ka Sngi u Blei kila ioh kem ia ki 3 ngut ki nong Mizoram bad ioh kurup ia u Ganja bad ka kyiad, katba ki dang talasi kali ha ka thain Mawryngkneng.
Ki pulit ka ANTF bad ki pulit jong ka Mawryngkneng Police Station kila bat ia kawei ka kali Tata Yodha kaba don ia u nombar MZ01/Z 3654 kaba mih na Shillong ban leit Mizoram bad haba talasi, kila ioh kurup ia u ganja uba la buhrieh hapoh jong ka shuki (sofa set) uba don 10.455 Kg bad 235 bilor (750 ml) ka kyiad.
Ki pulit kila kem ia ki 3 ngut kiba kynthup ia ka Sabina Lalnunmawiii (23 snem) kaba na Champhai, Mizoram, u Lalrinmawia Chenkua (19 snem) uba na Dapchhuah,Mizoram bad u Lalrosanga (28 snem) uba na Tlangnuam, Aizawl,Mizoram.
Ki pulit kila kurup ruh 2 tylli ki mobile phone, kawei ka lisen niah kali, ki shuki Sofa Set bla buhrieh ia kitei ki jingdih pynbuaid bad kawei ka kali Tata Yodha.
Ki pulit kila rejistar case ia kine ki briew hapoh ka Mawryngkneng PS hapoh ki kyndon jong ka C/ No3(2)25 u/s 20b(ii)(b)/29 NDPS Act.
 uba don 10.455 Kg bad 235 bilor (750 ml) ka kyiad.){kind=link}