Shillong, K’Lyngkot 31: U Bah Erson Marwein hynne ka sngi u la pynbna ba un kynran dien noh na ka jingiakhun haka ilekshon MDC ban wan sha ka Iingdorbar ka Khasi Hills Autonomous District Council (KHADC).
Dangshen u Bah Erson u la pynbna ban iakhun kum u kyrtong shimet na Nongthymmai constituency.
Haba kren sha ki lad pathai khubor u Bah Erson u la iathuh ba ka rai ban kynran dien noh naka jingiakhun MDC kadei hadien ba ki nongkyrshan jong u, kila ai jingmut ban kyrshan lang noh ia u CEM ka KHADC Bah Pyniaid Sing Syiem u ban iakhun na Nongthymmai constituency naka National People’s Party (NPP).
U Bah Erson u la iathuh ba haka 29 tarik mynta u bnai, u la lum ka jingialang bad ki nongkyrshan, kaba la shim ia kawei ka rai ban ai jingkyrshan noh ia u Bah Pyniaid Sing Syiem.
“Haba don ki briew kiba thrang shisha ban shakri iaki paidbah lyngba ki kam bapher bapher, Nga ruh ngan long uba kloi ba ngan ai noh ka jingkyrshan ia u Bah Pynïaid Sing Syiem” ong u Bah Erson.
U Bah Erson u la ong ba kane ka jingkyrshan ia u Bah Pynïaid kam mut ba un rung noh shaka NPP hynrei kadei thik tang ban kyrshan ia u Bah Pynïaid uba la synniang bun bah ki kam la kadei hapoh ka District Council ne ha shnong ha thaw.
.){kind=link}