Shillong, K’lyngkot 31 : Ka Directorate of Enforcement (ED) kala shem ha ka jingtohkit ba ki karkhana coke be-ain ha West Khasi Hills District, kila kamai spah laki laka na ki kam bymman, khamtam eh ka jingdie ia ki dewiong ba tih be-ain bad u coke bala dei sain.
Ka Directorate of Enforcement (ED) Shillong Sub Zonal Office kala pynlong ia ka jingkhynra ha ka 28 tarik Kyllalyngkot hapoh ka kyndon jong ka Prevention of Money Laundering Act (PMLA), 2002, ha kiba bun ki jaka ha Guwahati bad Kolkata ba don jingiadei bad ki karkhana coke beain ha Meghalaya, kiba la shah khang khyrdep namar ka hukum jong ka Iingkashari Meghalaya High Court ha ka PIL No 14 of 2022.
Ka Iingkashari Meghalaya High Court ha ka hukum ba 16 tarik Nohprah, 2022, ha ka PIL No 14 of 2022, kala hukum ban khangdam ia baroh ki karkahan coke hapoh ka Jylla Meghalaya.
U ADC-cum-SDO (Civil), Mawshynrut Civil Sub Division ula ujor da ka ejahar hadien ka jingiakhynra lang bad ki Pulit, kaba lam sah ka jingkhangdam haduh 57 tylli ki karkhana coke ha ka thain Shallang, West Khasi Hills District, kum ka jingpyntreikam ia ka hukum ka Iingkashari Meghalaya High Court.
Ka Enforcement Directorate kala pynlong ia ka jingtohkit halor ka jingbuhrieh ia ka thymmei jong ka pisa ba kamai beain (money laundering) halor ka nongrim jong ka ejahar bala register hapoh ka Shallang Police Station, West Khasi Hills District.
Ka jingtohkit jong ka ED kala pynpaw ba ki karkhana coke kila shah pynpra namar ba kila treikam beain, katto katne kila treikam khlem ki jingbit bad kiwei kiwei ki jingpynkhein ia ki kyndon iada ia ka mariang.
Ka jingtohkit ka pynpaw ruh ba ka jingpyntreikam ia kine ki karkhana coke beain ka dei kaba la leh khambun eh da ki briew na Assam bad kila pyniaid beain ia ki kam jong kine ki karkhana coke ha Meghalaya.
Bun tylli na kine ki karkhana coke ki dei kiba la pyniaid da ka benami ha kaba la pyni ba dei ki trai shnong na Meghalaya kiba long trai katba ki briew ba pyniaid pat ia ka kam ki dei na Assam.
Ka jingtohkit ka shem ruh ba kine ki karkhana soke kila pyndonkam beit ia u dewiong ba tih beain bad kim don satia ia ka thymmei ban ioh dewiong ba iaid kat kum ka ain.
Ha ka jingiaid ki jingkhynra, ka ED kala ioh bann kurup ia katto katne ki kot ki slab a donkam bad la kurup noh ia ki. Ka la ioh kurup ruh ia ka pisa ba kot T.14.2 lak nalor ka jingshem ia bun bah ki kam iasiew iatda ha jaka khappud.
Lah kurup ruh ia bun bah ki kot ki sla nongkynti bad ki Bank bad Mutual Fund Account, kaba pynshisha ba ki karkhana coke ha West Khasi Hills District kila kamai bun bah ka pisa na ki kam bymman, khatma lyngba ka jingdie beain ia u dewiong ba tih beain bad u coke ba la dep sain.
Ka jingtohkit shuh shuh ia kane ka kam ka dang iaid shakhmat.
 kala shem ha ka jingtohkit ba ki karkhana coke be-ain ha West Khasi Hills District, kila kamai spah laki laka na ki kam bymman, khamtam eh ka jingdie ia ki dewiong ba tih be-ain bad u coke bala dei sain.){kind=link}