Shillong, K’Lyngkot 14: Ka Federation of Khasi Jaintia bad Garo People (FKJGP) hynne ka sngi ba-ar, ka la dawa na ka Sorkar ba kan weng ia ki katto katne ki jingduna ha ka Shillong Civil Hospital, kiba ktah jur ia ki paidbah, khamtam kito kiba wan na ki longïing kiba duna ha ka liang ka ioh ka ko,t kiba shaniah ha katei ka hospital ban ioh ia ki jingsumar.
Haba kren sha ki lad pathai khubor hadien ka jingiakynduh iaka Medical Superintendent ban iakren halor ki jingujor kiba la ioh na ki paidbah, u President ka FKJGP Bah Dundee C Khongsit u la pynpaw ia ka jingsngewkhia kaba jur halor ki jingduna bapher bapher kiba ka Hospital ka iakynduh.
“Ka jingïoh ïa ka jingsumar kaba bha ka dei ka hok jong uwei pa uwei u nongshong shnong ha ka Jylla. Kumta ngi kyntu ia ka Sorkar ba kan buh hakhmat eh ia tnat ka koit ka khiah, namar ki jaka sumar ki bym biang ki ktah ia kiba duk, kiba shaniah pura ha ki jaka sumar Sorkar. Ngi dawa ruh ba ka Sorkar kan shim khia mardor ban weng ïa kine ki jingduna na ka bynta ka jingmyntoi bad jingbha jong ki nongshong shnong jong ka Jylla” la ong Bah Dundee.
U Bah Dundee u la pynpaw ba ha katei ka jingiakynduh, ka Medical Superintendent ka la pyntip ba ka bor pyniaid jong ka hospital ka la dep ban wanrah iaka mashin MRI naduh 2018 hynrei namar ka jingbym don nongtrei, kane ka Mashin ka khlem treikam naduh 2018.
“Na ka jingkren jong ka, ka long kaba sngew lyngngoh ban mutdur ba lada kum kine ki tiar kiba donkam kim don ha ka Civil Hospital kaba don ha ka nongbah jong ka Jylla, kaei ka jait jingshakri ha ka koit ka khiah kaba ngi lah ban khmih lynti ha ki jaka nongkyndong jong ka jylla?” u la kynthoh.
U la ïathuh baka Medical Superintendent ka la kdew ba hadien ba la pynkynriah noh ïa i Pathologist sha Ganesh Das Hospital, ym shym la shim khia satia ban thung nongbujli da iwei ha Shillong Civil Hospital, kaba la pynlong ïa ki test pathology ban ym lah ban leh.
“Ka Medical Superintendent ka la kdew ruh ïa ka jingduna ki nongtrei kum ka daw jong ka jingbym lah jong ka Hospital ban pynbeit ïa ki jingujor ba man ka sngi ba la ai da ki paidbah ha ka synduk ujor (Complaint Box” u la ong.
 hynne ka sngi ba-ar, ka la dawa na ka Sorkar ba kan weng ia ki katto katne ki jingduna ha ka Shillong Civil Hospital, kiba ktah jur ia ki paidbah, khamtam kito kiba wan na ki longïing kiba duna ha ka liang ka ioh ka ko,t kiba shaniah ha katei ka hospital ban ioh ia ki jingsumar.){kind=link}