Jowai, Nohprah 16 : Ka Tnad Public Works Department (PWD) hynne ka sngi Nyngkong, kala siew bailutksan sha ki paid nongrep kiba la duh ia ka rep ka riang ba shisnem kynthih namar ka jingpynjulor jong ka Tnad haba shna surok.
Kane ka jingpynjulor kala jia ia ki lyngkha kba ha ka thain Pynthornein (Jowai), kaba jia na ka jingshna ia ka surok Jowai By-Pass na Treiongriang sha Khliehtyrshi.
Ka Tnad PWD kala siew ia kane ka bailutksan hynne ka sngi bad kular ruh ban shna pynkhuid bad pynshna bha ia ki lyngkha kba. Kine ki lyngkha kba kila julor na ka jingshah tap ha ki maw bad ki shyiap ba wan rong ha um ha ka por lyiur.
Ia ka Tnad PWD la mihkhmat da u Executive Engineer ka Jowai Central Division Bah H Nengnong bad u Asst Executive Engineer ka PWD NH Sub Division, Jowai Bah O Thubru.
U Bah Thubru ula pyntip ba ka Tnad kala dep ban maramot ia ka nala kaba la tip kum ka Liar Pamkam hynrei namar kiba bun ki daw, kam shym la lah ban pynkhuid bad pynshna bha ia ki lyngkha.
Ula pyntip ruh ba ka Dhar Construction Company kaba pyntrei ia kane ka surok By-pass, kala pyrshang ban iarap ia ki nongrep da ka song pisa bad ban pynkhuid ia ki maw na ki lyngkha.
 hynne ka sngi Nyngkong, kala siew bailutksan sha ki paid nongrep kiba la duh ia ka rep ka riang ba shisnem kynthih namar ka jingpynjulor jong ka Tnad haba shna surok.){kind=link}