Nongpoh, Nohprah 11 : Ka kynhun ki Pulit ka Nongpoh bad Umiam Police Station, ha ka 9 tarik Nohprah, kila ioh kem ia uwei u snar nongkhaii droks ka jylla Tripura bad ioh kurup bun bah u droks heroin.
Ia une u nongkhaii droks la ioh ban bat na kawei ka kali tourist ML05-Y-2945 ha Umiam bad ha ka jingkhynra, kila ioh ban kurup ia u heroin ba 55.49 gram uba la thep ha ki 5 tylli ki synduk sabon.
Une u snar u kyrteng u Darbalpuia Darlong ba 56 snem ka rta, uba dei na Darchoi Ratiyabari, North Tripura.
Ia une u briew la register case ha Umiam Police Station hapoh ki kyndon ka NDPS Act. Ka jingtohkit mynta kala iaid shakhmat.
