Shillong, Nohprah 09 : Ka Kynhun Myntri ka Sorkar Jylla ha ka sngi Nyngkong, kala shim rai halor ka tarik bala tyrwa ban pynlong ia ka elekshon sha ki artylli ki Autonomous District Council (ADC) ha Ri-lum Khasi bad Jaintia, kaba ap mynta ban ioh jingmynjur sa na u Lat ka Jylla CH Vijayashankar.
Hadien ba dep pyniaid ia ka jingialang, u Myntri Rangbah Conrad K Sangma ula ong “Ngi la dep rai ia ka tarik ban pynlong ia ka elekshon sha ka Iingdorbar thaw ain ka KHADC bad JHADC. Ia ki tarik ban pyniaid nadong hadong jong ka elekshon la dep ban shim rai bad la ai jingmynjur da ka Kynhun Myntri”.
Hynrei ula ong ba ia ka tarik jong kane ka elekshon ADC yn sa pynbna hadien bala ioh jingmynjur na u Lat ka Jylla.
“Hooid kumba phi iatip ba kine kiei kiei baroh ki dei kiba hap ban mynjur da u Lat bad kumta, hadien bala dep ai jingmynjur da u Lat ngin sa lah ban pynbna ia ka” ong u Conrad.
Haba kylli, u Myntri Rangbah ula ong “Ka Kynhun Myntri kala ai jingmynjur bad kan phah sha u Lat ba un ai jingmynjur. Kam long kaba dei ia nga ban pyntip ia ka tarik namar ngam lah ban jam palat ia ka rai ka ban sa shim da u Lat ka Jylla. Ngin sa lah ban pyntip tad hadien bala ai jingmynjur u Lat”.
 ha Ri-lum Khasi bad Jaintia, kaba ap mynta ban ioh jingmynjur sa na u Lat ka Jylla CH Vijayashankar.){kind=link}