Shillong, Nohprah 09 : Ka Liengsuin Spicejet ba mih na Delhi-Shillong kala hap ban leit hiar kyrkieh ha Patna namar ka jingmih jingthut ha ki kor bad kane ka liengsuin kala hiar suk ha Jay Prakash Narayan International Airport hynne ka step sngi Nyngkong.
Kat kum ka jingpyntip ki bor pyniaid ka Patna Airport, kane ka liengsuin Spicejet (SEJ-2950) kala don jingthut ha ki kor trei kam, kaba pynbor ia u Pilot ban hap leit phai sha Jay Prakash Narayan International Airport. Kane ka liengsuin kala wan hiar ha ka por 8:52 baje mynsteo.
Na ka liang ka kompani kala pynbeit da kawei pat ka liengsuin ban kit ia ki briew kiba don ha kane ka liengsuin kaba wan sha Shillong.
Ki bor pyniaid ka Airport ki pyntip ba kane ka liengsuin kala hap ban shim ia kane ka sienjam namar ka jingorpait ka jing khang iit kaba jia ha ka por 8:38 baje mynstep.
La iathuh ba ki don haduh 75 ngut ki briew kiba don ha kane ka liengsuin ba wan sha Shillong.
