Agartala, Nohprah 02 : Ka iingsah jong u Assistant High Commission ka ri Bangladesh kaba don ha Agartala kala shah thombor ha ki riewshimkabu.
La kynnoh ba kitei kiba la leit thombor kidei kiba iadonbynta bad ka seng Hindutva bad la kynnoh ruh ba kila pynjah burom ia ka lama jong ka Ri Bangladesh, ha kaba bun kila pynrem jur ia katei ka jingle ka jongki bad kila dawa ba dei ban ai ia ka jingbishar kaba hok.
Katei ka jingjia kala saphriang sted ha kaba kila mih ki jingpynrem jur hapoh ka ri bad wat shabar ri ri kumjuh. Ki paidbah kila ia mih ha ki surok ha kylleng ki bynta jong ka ri India ban pynpaw ia ka jingsngewlem bad ki rit paid ha Bangladesh bad kila dawa ba dei ban don ia ka jingkihlieh halor ka jingpynkhein ia ki aiñ ki kanun bad katei ka jingleh kala pynmih ruh ia ka jingsngewkhia halor ka jingshngain jong ki jaka treikam kiba don ha ka thaiñ.
Haba shimkhia halor kane ka jingjia, ka Sorkar India kala pynmih ia ka kyrwoh ban pynpaw ia ka jingsngewsih halor katei ka jingjia bad pynpaw ba ka iengskhem ban ym dei ban thombor ia ki jaka jong ki nongmihkhmat. Kala ban jur ba kum kine ki kam ki long ki pynkheiñ ïa ki kyndon jong ka pyrthei bad kala kular ban pynkhlain ïa ki lad jingïada na ka bynta ka Bangladesh High Commission ha New Delhi, ki Deputy bad ki Assistant High Commission kiba don ha kylleng ka ri.
Ki bor kiba dei khmih kila pynlong ia ka jingtohkit halor kitei ki jingpynkhein bad kular ban leh da kaba tyngeh pyrshah ia kito kiba donkti ha ktei ka kam sniew.
Ha kawei pat ka liang, katei ka jingjia kala mih iaka jingiatai halor ka jingkongsan ban iada ia ki jaka jong ki nongmihkhmat na kiwei pat ki Ri bad ban bat skhem ia ka nongrim ban pynneh pynsah ia kajingiadei bad ia ka jingburom mar kylliang ha ka jingiadei hapdeng ki ri.
Ka jingtohkit ka dang iaid shakhmat bad dang ap ban ioh shuh shuh ia ki jingtip kiba bniah.
