Shillong, Naiwieng 27 : Ki shipai BSF 22nd Battalion ka Meghalaya Frontier, kila ioh ban kem ia arngut ki nong Bangladesh ha ka jingkhynra bad ki Pulit ha khappud ka West Garo Hills District.
Kine ki arngut ki kyrteng u Taharul Islam ba 23 snem na Chapainawabganj District bad u Md Sayed ba 30 snem na Rajshahi District.
Ha ka jingtohkit, kine ki nong Bangladesh kila phla ba kila wan rung sha India lyngba ka khappud Murshidabad, West Bengal mynta la hynriew bnai eiei. Ki phla ruh ba ki ju leit ju wan sha Chennai ban trei bylla.
Ki BSF kila ujor ejahar ia kine ki arngut bad la aiti ia ki sha ka Dalu Police Station ban tohkit bad leh ia kaba donkam.
