Nongstoiñ, Risaw 24: Haduh 22 ngut ki Pulit ba kynthup ia 17 ngut ki Constable bad 5 ngut ki Follower, ki la pyndep ïa ka jinghikai pyntbit ha ka jaka ai jinghikai jong ka 4th MLP Battalion kaba don ha ka shnong Sohpian West Khasi Hills.
Kine ki pulit ki dei na ka 9th Batch jong ka 4th Meghalaya Police Battalion, Sohpian, bad hynne ka sngi Palei ki la pyndep ia ka Passing out Parade.
Ka Deputy Inspector General of Police (Training & Arm Force) Kong CA Lyngwa kala pynbam smai ia kine ki Pulit ha ka jingiadonlang u Deputy Commissioner ka West Khasi Hills Bah Garod LNS Dykes, u Superintendent of Police ka WKH Bikram D Marak bad kiwei kiwei.
Ka kong Lyngwa ka la sam ruh їa ka khusnam sha ki lai ngut ki pulit kiba wan hakhmat duh ha ki bynta bapher bapher ha ka por ba ki shah hikai.
