Shillong, Risaw 23 : Ka A∙chik Conscious Holistically Integrated Krima (ACHIK) ha ka sngi Balang, kala kyntu ia ka PA Sangma International Medical College ka USTM, ban ai da ka special fee concession (pynduna kyrpang ia ka bai klas) na ka bynta ki samla pule na Meghalaya.
Ha ka shithi sha u Vice Chancellor ka University Prof Gauri Dutt Sharma, ka ACHIK kala ong “Ka jingai scholarship ne ynnai shim bai klas ia ki samla kiba dei na Meghalaya khamtam kito kiba na nongkyndong bad kiba wan na ki longiing baduk kan iarap shibun ba kin ioh rung klas. Kane ka lah ban wan ha ka dur jong ka jingleh bha jong ki lane ka jingai jingiarap da ka song pisa”.
Kala ai jingmut ruh ba ka jingtyrwa ban siew ia ka bai klas ba jynsur kum ka jingsiew installment ne ka lynti ban siew slem, kan pynsting shikatdei eh ia ka jingkit ba khia jong ki longiing longsem bad pynshlur ia bun ki samla pule na Jylla ba kin aplai klas.
Haba ban jur ia ka jingdonkam ban iatreilang bad ki bor Sorkar, ka ACHIK kaa ong “Ka jingiatreilang bad ka Sorkar lem bad ki shnong ki thaw ban ai subsidy ia ki seat pule ia ki samla na Meghalaya kan pynthikna ba bun ki samla na Jylla kin ioh ban leit pule MBBS”.
Ka ACHIK kala kdew ruh ia ka jingdonkam ban iakren bad ki nongialam shnong, ki nonghikai bad kiwei kiwei, kan iarap shibun ban sngewthuh ia ki jingeh bad ban wanrah ia ki buit treikam ki ba iahap bad ka jingangnud jong ki trai shnong ban ioh ia ka lad ban pule.
 ha ka sngi Balang, kala kyntu ia ka PA Sangma International Medical College ka USTM, ban ai da ka special fee concession (pynduna kyrpang ia ka bai klas) na ka bynta ki samla pule na Meghalaya.){kind=link}