Shillong Risaw 22: Ki heh shipai jong ka BSF hynne ka sngi kila iashimbynta ha ka Sector Commander Level Co-ordination Meeting bad ki heh shipai ka Border Guard Bangladesh (BGB) kaba la long ha BOP Mahenderganj, South West Garo Hills.
Ia ka kynhun jong ka BSF la ialam da u Lalit Mohan Sharma, u DIG Sector HQ BSF Tura katba u Sarkar Mohammd Mostafir uba long u Deputy Director General, Sector Commander BGB, Mymensingh, Bangladesh ula ialam ia ka kynhun jong ka BGB.
Ha katei ka jingialang, ki Commander jong ka BSF bad BGB kila iatai sani halor kiba bun ki mat kiba iadei ha ka thain khappud kaba kynthup ia ka jingdonkam ia ka Co-ordinated Border Management Plan bad ka jingiatreilang da kaba ia sngewthuh jingmut lang.
Ha kaba kut, baroh ar ki shipai iada khappud kila pynpaw ia ka jingsngewhun ia ka jingseisoh jong ka jingialang kaba pynia iaka jingiadei kaba iajan hapdeng kitei ki ar tylli ki ri bad kila kular ruh ban pyntreikam mardor ia ki rai kiba la shim ha katei ka jingialang.
