Shillong, Risaw 22 : Ka Hynniewtrep Integrated Territorial Organisation (HITO) ha ka sngi Ba-ar, kala iatur paidbah sha ka Ophis treikam ka Meghalaya State Pollution Control Board (MSPCB), Shillong.
Kane ka jingiatur paidbah ka dei kum ka dak ban pynpaw ia ka jingpyrshah halor ka jingjia kaba jia ha ka 18 tarik Risaw, ha ka Public Hearing jong ka Board (MSPCB) ha shnong Wahiajer, East Jaintia Hills District.
Kane ka public hearing ka dei kaba la pynlong na ka bynta ban seng ia ka karkhana dewbilat Meghatop Cement Pvt Ltd ha ka shnong Wahiajer.
Ki kynhun Sengbhalang kynthup naduh ka KSU,FKJGP, HYC bad HITO, kila shah pakhang lynti ha ki volunteer jong ka shnong Wahiajer, ba kin leit iashimbynta ha ka Public Hearing bad kumjuh ruh ia baroh ki briew kiba pyrshah ia ka kompani Meghatop Cement Pvt Ltd ban seng karkhana.
Haba kren bad ki nongthoh khubor, u President ka HITO Donbok Dkhar ula ong ba ka jingiatur paidbah sha ka Ophis ka MSPCB ka long eh na ka bynta ban dawa pynlong biang da kawei ia ka public hearing jong ka Meghatop Cement Pvt Ltd.
Ula pyntip ba ka HITO kala aipor shi taiew ia ka MSPCP ba kan khein iap noh ia ka Public Hearing ba 18 tarik Risaw bad ban pynbeit biang da kaba thymmai.
Kane ka Seng kala byrngem ruh ba lada ka MSPCB kam leh eiei hapoh kane ka shitaiew bala aipor, ka HITO kala pynkhreh ban leit ujor da ka mukotduma sha Iingkashari Meghalaya High Court.
 ha ka sngi Ba-ar, kala iatur paidbah sha ka Ophis treikam ka Meghalaya State Pollution Control Board (MSPCB), Shillong.){kind=link}