Nongstoin, Risaw 14 : Ka Khasi Students’ Union (KSU)-West Khasi Hills, kala dawa ia u Chairman ka District Selection Committee (DSC) bad Deputy Commissioner ka West Khasi Hills, ban pynbeit ryntih ia ka rukom thungkam thungkam lyngba ka DSC ban wanrah ia ka jingtreikam kaba shai bad ba leh hok.
Ka KSU-WKH hapoh ka jingialam u President Samla John Fisher Nongsiang President, kala leit ban aiti ia ka dorkhas sha u Chairman ka DSC ba dawa ban pyntreikam ia ki 17 tylli ki mat jingdawa ban pynkylla ia ka rukom treikam jong ka DSC hapoh ka District, ba kan long kaba shai, kaba lah ban treikam bha bad kaba lah ban shaniah.
“Ngi dawa ban pyntreikam ia ki 17 tylli ki mat jingdawa na ka bynta ka District Selection Committee ba kan wanrah ia ka rukom thungkam kaba shai bad kaba biang bha” ong ka dorkhas.
Haba iakren bad ki lad pathai khubor, u President ka Seng ula ong ba ka seng kala buh ia kine ki 17 tylli ki mat jingdawa namar ka kwah ba ka DSC kan shakri khuid bad leh hok ia ki samla wadkam hapoh ka District.
Ula ong ba ki mat ba kongsan eh ki kynthup ia ka jingthung ia ki dkhot ka DSC da ki briew kiba la nang la stad ym ban thung daki briew bala jied da ki seng sain pyrthei,, ban buh kor CCTV camera ha ki jaka thoh eksamin, ban pynduh noh ïa ka personal interview ïa ki post kiba rit bad ban nym ailad shuh ïa ka jingthungkam sop sop da ki ophisar ha ki tnad sorkar, ban pyni paidbah ïa ki marks ba ïoh da ki kyrtong kiba wan thoh eksamin.
Nalor kitei , la dawa ruh ba dei ban ai jingkhein ïa ki jingdon jingem jong ki dkhot ka DSC kaba katkum ka Meghalaya Public Servants (Furnishing of Information and Annual Return of Assets and Liabilities and the Limits of Exemption of Assets in Filing Returns) Rules, 2016, ki nongthep kam DSC ha Khasi Jaintia kidei ban nang bad tip ïa ka ktien Khasi.
Ym tang kata kila dawa ruh ban buh lypa ïa ka por ne u bnai jong u snem ban pynïaleh eksamin DSC, ban nym pynkylla ïa ki Roll Numbers jong ki kyrtong katba dang ïaid ka selection process, ban ai iaka Carbon copy jong ki OMR sheet ha ki nongiakhun DSC, ban pyndep ia ka Recruitment Process hapoh 6 bnai hadien ba la dep pyllait paitbah iaki advertisement, ban don iaka Annual Report jongka DSC, ban pynthikna ba kan nym don ka jinglait tuh ki jingkylli, ban thaw iaka Grievances Cell hapoh ka DSC, ban leh Computer Based Test haki por ban wan hapoh ka DSC.
-West Khasi Hills, kala dawa ia u Chairman ka District Selection Committee (DSC) bad Deputy Commissioner ka West Khasi Hills, ban pynbeit ryntih ia ka rukom thungkam thungkam lyngba ka DSC ban wanrah ia ka jingtreikam kaba shai bad ba leh hok.){kind=link}