Shillong, Risaw 01: Ka Hynniewtrep Youths Council (HYC) kala dawa naka Sorkar Jylla ban thung daka kynhun tohkit halor ka jingkynrum kynram ka rukom pynbna results thungkam Staff Nurse bad ANM.
Haba kren shaki lad pathai khubor u President ka HYC Bah Roy Kupar Synrem u la ban jur ruh ba donkam ban pynshitom iaki ba donkti pynbna iaka results.
U Bah Roy u la ong ba ka long kaei kaei kaba sngewthamula ban iohi ba dang don jingbakla haka thup Results wat hadien ba la pynmih iaka thup haduh lai sien.
“Dei ban thung daka jingtohkit bad ym dei ban tohkit daka tnat ka koit ka khiah hynrei lada long, dei ban thung daka Judicial Inquiry ba khlieh da u Session District Judge ne ki Judge bala shongthait ” ong u Bah Roy.
U Bah Roy u la kynthoh ba kane ka jingbakla kala pynduh mynsiem iaki samla kiba wad kam namar wat daka ba pyndonkam daki OMR Sheets noh ruh ka dang bun ka jingbakla.
U la kynnoh ruh baka seng kala ioh jingtip ba wat kito kiba khlem leit thoh iaka eksamin ki paw kyrteng haka thup, ha ryngkat u Roll Number bad ka Marks ba ioh bad u la buh jingkylli daka ba ong “U briew ba khlem leit thoh eksamin, kumno u paw kyrteng bad ki Marks ba u ioh”.
Nalor kane u President ka HYC u la ong ba ka tnat ka koit ka khiah ka dei ban pynsangeh shwa ia kane ka jingthungkam Staff Nurse bad ANM kat bym pat pynbeit iaki jingbakla.
 kala dawa naka Sorkar Jylla ban thung daka kynhun tohkit halor ka jingkynrum kynram ka rukom pynbna results thungkam Staff Nurse bad ANM.){kind=link}