Shillong, Nailur 30: Ka DDMA kan pynlong ia ka Mock Drill haba khynniuh u Jumai ha ka Main bad Additonal Secretariat Building ha ka 4 tarik Risaw por 11 baje mynstep.
Ki nongtrei jong kitei ki artylli ki Secretariat kin iashimynta lang ryngkat bad kiwei pat ki tnad sorkar kiba kynthup ia ka SDRF/ Fire & Emergency Services, DM&HO, Police, MPRO, PWD, MeCEL, MUDA, Urban, PHED bad ki Volunteers.
Nalor kane yn iashimbynta lang ka Civil Hospital bad Woodland Hospital ha katei ka Mock Drill.
Yn sdang ia katei ka Drill da kaba pynsawa ia ka siren ha ka por 11 baje mynstep ban pyni ba kala don ka jingkhynniuh u jumai ha ka por 11 baje mynstep, kumta ki nongtrei ha kitei ki ar tylli ki ophis sorkar kin mih na ki kamra treikam ki jongki ban leit ialum ha ka jaka kaba don ha All Saints Cathedral bad ha ka jaka kaba thylli kaba don hakhmat jong ka All Saint’s Hall.
La kyntu ia ki paoidbah ba kin ailad iaki Ambulance, kali pynlip ding bad ki kynhun leit ai jingiarap ba kin leh iala ka kamram ha katei ka sngi.
