Guwahati, Nailar 19 :Ki pulit ka Assam kila kem noh ia arngut ki riew shukor kiba kam ia lade kum ki heh jong ka tnat Central Bureau of Investigation (CBI) na Karimganj district ka Assam hynnin ka miet sngi Palei.
Katkum ki khubor, kine ki arngut ia kiba la tip kyrteng kum u Diluyar Hussain bad u Rashid Ahmed kila kam ia lade kum ki heh CBI kila dawa pisa T.2lak na uwei u nongwan ujor.Hadien kane une u briew ula leit sha ki bor jong ka ain hadien ba ki bor pulit ki la pynlong ka jingthwet ka ba jur bad ioh ban kem noh ia kine ki arngut.
U Diluyar ula shah kem noh na ki bynta jong ka Ratabari katba u Rashid ula shah kem na ki bynta jong ka sor rit Patarkandi jong ka district.Halor kane la rejistar case pyrshah ia kine ki arngut hapoh ki kyndon ain bapher bapher.
Ha ka 7 tarik mynta u bnai, uwei u briew uba kam ia lade kum u heh ka tnat traffic ruh u la shah kem noh katba u dang dain kuna ia ki kali kiba pynkhein ain ha ryngkat ka jingiadon lang uwei pat u pulit uba dei hok jong kane ka tnat hapoh Sonitpur district ka Assam.
Une u briew u ba riam ia lade kum u pulit traffic u la wan na Guwahati da ka bus bad bad hiar hapoh Paruwa Chariali ha ka sorbah Tezpur.Hadien kane mardor u la khot ia utei u pulit u ba don hapdeng ka kam bad sdang ban iarap ban khynra ia ki kali kiba pynkhein ain. “Ula sdang ban dain kuna na ki kali ka ba la pynlong ia utei uwei pat u pulit ba un suba jur bad pyntip noh sha ki heh jong u,” ong ka lad pathai khubor kaba la shim ia ka jingkren jong u heh pulit.
Hadien ba ki heh pulit ki la wan poi ha kane ka jaka, kumta la lap ia ki jingshisha baroh bad la kem noh mardor ia une u briew.Ha ka jingtohkit la ioh jingtip ruh ba une u briew u la leh ia kane ka juh ka buit ban ioh lum pisa ha kiwei pat ki jaka, katak um ha Rangia bad Nagaon.
“Une u briew um pat dei u ba la nang la stad, hynrei u don pat ia ka jingphohsniew ban long u heh pulit.Kumta u la sdang ban riam ia lade kum u pulit,” ong shuh shuh u heh pulit.
