Shillong, Nailur 15 : Ka Voice of the People Party (VPP) ha ka sngi Nyngkong, kala dawa ia ka Sorkar Jylla ban tohkit bad leh eiei halor ki daw ha lyndet ka jingkiew dor ki mar ki mata khamtam ki marbam mardih.
“Ngi dawa ia ka Sorkar ban buddien bad the kyndon ia ka jingtreikam jong ki khyrdop bad ki jaka talasi ha ki surok National Highway, kiba synniang bha halor a jingkiew ki mar ki mata ha Jylla” ong u General Secretary ka VPP bad MP ka Shillong Dr Ricky AJ Syngkon ha ka shithi bala phah sha u Myntri Rangbah ka Jylla Conrad K Sangma.
Ka shithi kala kdew ruh ia kiwei ki jingdawa ba kynthup ia ka jingdonkam ia ka Sorkarban pynthikna ba ki nongrep kim dei ban shah iuhroit ha ki nongkhaii bad ba bad ba dei ban don ka rukom buh dor kaba hok bad rukom pyniaid ban iada ia ka jingmyntoi jong baroh ar ki nongpynmih bad ki nongthied na ka jingshim kabu khlem nongrim.
Ka la ban jur ruh ia ka jingdonkam ban pynkhlain ia ka Tnad Food & Civil Supply ban pynjari ia ki dor ba la buh da ka sorkar bad ban weng ia ki jingpynkhein kiba la saphriang bha ia kine ki jingpyniaid dor bad ban weng ia ki jingeh ha ka leit ka wan namar jong ka jingkieng Umiam,ka bym long kaba biang ban iaid ki kali kit mar kiba heh sha sor kiba la pynbor ban shim ia ki lynti kiba kham jngai. Kane ka lah ban long ka daw jong ka jingkiew dor kaba jur namar ka jingkiew dor jong ka leit ka wan.
“Da kaba shim ba ka Meghalaya ka shaniah ha ki jingwan rah marbam nabar ka jylla, ka sorkar ka dei ban wad kyrkieh bad shna ia ki lynti iaid kiba kham lyngkot ban pynsuk ia ka kit ka rong ia ki marbam,” ong u Bah Ricky ha ka shithi.
“Lada ym shim ia kine ki sienjam ha ka por kaba biang, ka VPP kan hap ban shim ia kiwei kiwei ki lad, kynthup ia ka jingbteng ban iakhih, ban dawa ia ka hok na ka bynta ki paidbah ka Meghalaya,” u la maham haba kyntu ia ka sorkar ba kan leh kloi ban weng ia kine ki jingeh bad trei ia ki kam ki ban ai jingmyntoi ia ki nongshong shnong jong ka jylla.
Ha ka 13 tarik u Nailur, ka VPP ka la pynlong ia ka jingiahong kyllain mungor ba shisngi ban pyrshah ia ka jingkiew dor ki mar ki mata ha ka jylla Meghalaya. Katkum ka jingong u Bah Ricky, ka VPP ka ngeit skhem ba kum kane ka jingkiew dor kaba shyrkhei ka nang jur shuh shuh namar ki daw bapher bapher, kynthup ïa ka jingdon bun tylli ki khyrdop siew khajna ha ki surok bah (National Highway), bad ka jingbym lah jong ki bor synshar ban khanglad ïa ka jingshah liuhroit jong ki nongrep bad ki nongthied nongpet bad kiwei kiwei.
 ha ka sngi Nyngkong, kala dawa ia ka Sorkar Jylla ban tohkit bad leh eiei halor ki daw ha lyndet ka jingkiew dor ki mar ki mata khamtam ki marbam mardih.){kind=link}