Tura, Nailur 06: Ka Meghalaya Cricket Association (MCA), ryngkat bad ka Tura District Cricket Association, kala pynlong ia ka U-19 Women’s Cricket Camp ha Alotgre Stadium ha Tura.
Kane ka Camp, kala sdang ha ka 5 tarik u Nailur bad kan kut haduh ka 27 tarik u Nailur, da ka jingthmu ban ithuh bad ban ai jinghikai ia ki khynnah na kylleng ka jylla na ka bynta ki jingiakob ialehkai kiban long ha ka ri.
Kila don 30 ngut ki khynnah ialehkai cricket na kylleng ki District jongka Meghalaya kiba la ialum lang ha Tura ban iashimbynta ha katei ka camp. Ha kine ki 3 sngi kiba la sdang, yn pynlong ia ka jngjied ia ki nongialehkai ha kaba ki nongialehkai kin hap ban pyndep ia ka jingioh jinghikai. Kumta katkum ka jinglehkai bha ka jongki, ki nongjied ne Selector kin sa jied ia ka kynhun jongki 15 ngut ki nongialehkai bad yn sa jied ruh ia ki 5 ngut ki nongialehkai kum ki Standby ne kiba la pynap lypa. Ka kynhun jong ki 15 ngut ryngkat bad ki ‘Standby player’ kin bteng ban ioh ia ka jinghikai ha Alotgre Stadium.
Kane ka kynhun kan mihkhmat ia ka Meghalaya ha ki rynsan iakob ialehkai jong ka U-19 ha kylleng ka ri.
Na ki 30 ngut ki nongialehkai, 3 ngut kidei naka Tura bad 12 ngut kidei na kiwei pat ki bynta jong ka rilum Garo.
, ryngkat bad ka Tura District Cricket Association, kala pynlong ia ka U-19 Women’s Cricket Camp ha Alotgre Stadium ha Tura.){kind=link}