Dibrugarh, Nailar 30: Palat 2000 ngut ki briew hapoh ka lama jong ka Satra Mukti Sangram Samity (SMSS) ha ka sngi Palei kila pynlong ia ka jingiakhih ha Tinsukia’s Margherita pyrshah ia ka Coal India Limited (CIL) kaba la leh donbor ha kaban pynlong ia ki jaka sah ki paidbah kum ka jaka bret ia u dewiong.
Ki nongshong shnong jong ka Jharna Basti, China Basti bad ka Malu ha Ledo kila pynlong ia ka jingiakhih kaba heh pyrshah ia ka Coal India Ltd (NEC CIL), ha kaba kila pyrta shla ruh pyrshah ia ka sorkar.
Ka CIL kala rai ban buh iaka jaka bret ia u dewiong ha kitei ki jaka, kiba dei ki jaka kiba ki briew ki shong ki sah bad ki briew kila shong la sah ha kitei ki jaka la bun phew snem.
“Ngi lah sah hangne naduh u snem 1962, abd ngi la siew ia ka khajna sha ka sorkar hynrei mynta ka Coal India kala rai ban buh ia ka jaka bret dewiong bad kala ong ia ngi ba ngi dei ban mih noh na katei ka jaka. Ngin nym mih na katei ka jaka” la ong ki nongiakhih.
U Rahul Chetry, General Secretary jongka Central Committee ka SMSS, ula ong,
“Haba ka CIL kala khang khyrdep iaka jingtreikam ka jongka, ki paid nongshong shnong kila pynlong ia ka jingiakhih bad kila kyrpad ia ka CIL ban sdang biang ia ka kam tih ha katei ka thain. Mynta ka CIL kala rai ban buh ia ki jaka bret dewiong. Ngin ym ailad ia katei ba kan jia bad lada donkam, ngin pynlong da ka jingiakhih kaba heh shuh shuh. Ki briew hangne kila shong la sah naduh u snem 1938 bad katei ka jaka kadei ka jongki paidbah kumta balei kin hap ban mih noh na katei ka jaka?”.
“Ka sorkar kala dep ban aiti ia ki jaka kiba heh sha ki heh saipan bad ki briew kiba kum jongu Baba Ramdev hynrei ki trai shnong kiba sah ha katei ka jaka la bun phew snem hynrei ka CIL kala pyrshang ban buh ia ki jaka bret dewiong bad ka sorkar ruh kala shu sngap jar beit. U MLA ka thaiñ u Bhaskar Sharma ula shu sngap jar beit bad ym shim la ong eiei. Ngi maham ia ka CIL ba ngin ym aiald ia ki briew ba kin shah kyndang na ka iing ka jongki bad lada donkam, ngin pynjur ia ka jingiakhih ha ka lynti jong ka jingsynshar paidbah” ong u Pappu Dutta, u President ka SMSS central committee.
Ki nongshong shnong, khamtam kito eh kiba na ka Jharna Basti, kila sheptieng ba kan don ka jingktah jur ia ka mariang kaba lah syndon ban pynlong ia katei ka jaidbynriew ban duhjait noh.
Ka Coal India Ltd ka donkam ia ka jaka ban bret ia ki jakhlia ne kiba tam kiba la mih ha ka por ba tih ia u dewiong. Hynrei katei ka rukom leh, la kynnoh ba kala pynjot lut ia ki kper slasha bad ki kper kiba jyrngam kiba don ha ka thaiñ.
, ha kaba kila pyrta shla ruh pyrshah ia ka sorkar.){kind=link}