Shillong, Nailar 29 : U Myntri ka tnat ka Social Welfare bah Paul Lyngdoh ha ka sngi Thohdieng u la kular hapoh ka Iingdorbar ba ka Sorkar kan sa thung ia ka Departmental Committee ban bishar bniah ia ka jingtyrwa ban pynkylla ia ka Constitution (Scheduled Tribes) Order, 1950 bad ban wanrah ia ka kaiphod hapoh lai bnai.
“Ka Tnad kan thung ia ka Departmental Committee ban bishar bniah ia kane ka kam bad ban wanrah ia ka kaiphod kaba khatduh hadien 3 bnai”, ong u bah Paul haba jubab ia ka resolution ba la wanrah da u MLA ka VPP bah Adelbert Nongrum hapoh ka iingdorbar.
Ka resolution ka kwah ban pynsngew ia ka Sorkar Pdeng halor ka jingdonkam kaba kongsan ban pynkylla shuh shuh ia ka Constitution (Scheduled Tribes) Order, 1950 khnang ban lah ban weng bad bujli ia ka thup jong ki jaitbynriew riewlum ha ka part XI jong ka schedule kaba iadei bad ka jylla Meghalaya, haba buh hakhmar ia ka jingdon ki Jaidbynriew bapher bapher hapoh ka Jylla.
“Ngin sa ïakren bad ki kynhun bapher bapher bad shim ïa ki jingai jingmut jong ki hashwa ban pyndep ïa ka kaiphod. Bad hadien kata, yn sa phah sha u Registrar General jong ka Ri India bad ngin sa buddien ïa kane ka kam kat kum ka rukom treikam ba la buh,” pynthikna u bah Paul.
Ka Part XI jong ka Constitution (Scheduled Tribes) Order, 1950 (Part III –Rules and Orders under the Constitution) ka dei ka thup jong ki jaitbynriew riewlum kiba la shah dep pynbna ha ka jylla Meghalaya kaba mynta ka don haduh 17 tylli ki jaitbynriew riewlum kiba la pynbna kum ki Scheduled Tribe.
U Bah Paul u la ong ba ha u Jylliew 1999, ka sorkar ka la mynjur ia ki rukom rai ia ki jingkam ban pynrung lang ne weng noh na ki thup jong ki Scheduled Tribe. Katkum kitei ki kyndon ba la mynjur, tang kito ki jingkam kiba la dep ban mynjur da ka Sorkar Jylla, u Registrar General of India bad ka National Commission for Scheduled Castes & Scheduled Tribes kin hap ban shim ha kaban ai jingmynjur.
Haba ioh pdiang ia kano kano ka jingthoh hapoh ka Minitry of Tribal Affairs ban pynrung ia kano kano ka Jaidbynriew ha ka thup Scheduled Tribe jong ki Jylla/UT, ka Ministry ka sa phah ia kata ka jingthoh sha ki bor ka Sorkar Jylla/UT ban ai jingmut kat kum ka Article 342 jong ka Riti Synshar ka Ri. Lada ki Sorkar Jylla ki phah ia ka jingtyrwa, ia kane ruh la phah sha u Registrar General of India (RGI), u la ong
U RGI lada u sngewhun ïa ka jingai jingmut jong ka sorkar Jylla, ka phah pat ia ka jingtyrwa sha ka Sorkar Pdeng. Hadien kane, ka Ministry of Tribal Affairs ka phah ia ka jingtyrwa sha ka National Commission for Scheduled Castes and Scheduled Tribes ba kin ia ai jingmut, ula bynrap.
 Order, 1950 bad ban wanrah ia ka kaiphod hapoh lai bnai.){kind=link}