Shillong, Nailar 28 : U Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong, ha ka sngi Balang, ula pyntip ba ka kam ba iadei bad ka jingtyrwa ban pynheh ia ka bhah khajna jong ki lai tylli ki Autonomous District Council (ADC) ka dang don hapdeng ka jingbishar.
Haba wanrah ia ka jubab ha Iingdorbar, u Bah Prestone ula ong ba ka kam ka dang don hapdeng ka jingbishar ban pynlong kongsan ia ka jingthungkam bad pynlong eksam ha ki lai tylli ki ADC khnang ban pynthikna ia ka jingthungkam kaba shai bad ba khuid.
Ia mynta, ka Khasi Hills Autonomous District Council (KHADC) ka don ia ki nongtrei ba kot 818 ngut, ka Garo Hills Autonomous District Council (GHADC) ka don 1397 ngut bad ka Jaintia Hills Autonomous District Council (JHADC) ka don 1161 ngut.
Nalor kane, u Bah Prestone u pyntip ba ki don haduh 6 tylli ki bill bala mynjur da ka KHADC kiba dang sahkut hapoh ka Tnad bad ka Cabinet, kawei jong ka GHADC bad 2 tylli jong ka JHADC.
“Ka daw ka long namar ki jingbakla ha kaba thoh ia kine ki bill, ka jingiatakhuh bad ki ain ka Jylla lane ki kyndon jong ka Riti Synshar ka Ri” ula ong.
U Symbud Myntri Rangbah ula pyntip ruh ba kala don ha Expert Committee bala thung ha ka 26 tarik Nailur 2023, kaba la khlieh da u Secretary ka DCA bad kynthup ia ki Heh Ophisar na kaTnad Ain bad na ki ADC.
Kine ki Committee kin sa iashong lang bad pynbeit ia ka jingphah ia baroh ki Bill sha u Lat ka Jylla ba un ai ka jingmynjur bad ban pynbeit kham kloi iaki jingeh kiba mih, ula bynrap.
 Bah Prestone Tynsong, ha ka sngi Balang, ula pyntip ba ka kam ba iadei bad ka jingtyrwa ban pynheh ia ka bhah khajna jong ki lai tylli ki Autonomous District Council (ADC) ka dang don hapdeng ka jingbishar.){kind=link}