Shillong, Nailar 16: U President ba dang shu shongthait jong ka Federation of Khasi Jaintia & Garo People (FKJGP) Bah Wellbirth Rani ula rai ban pyniasoh noh ialade sha ka seng United Democratic Party (UDP) ban mih aireng ha ka elekshon MLA-2023 na Mawphlang Constituency.
Ka Mawphlang Constituency ka dei kaba mihkhmat mynta da u Bah Eugeneson Lyngdoh kum u MLA, uba dei ruh u Nongkitkam ka UDP.
Ka jingpyniasoh sa u Bah Wellbirth Rani ka lah ban wanrah ia ka jingiaknieh ticket kaba jur hapdeng u MLA ba mynta bad une u Nongialam Sengbhalang ba la shongthait.
Kumjuh ruh u Editor jong ka kot khubor Rupang Bah Monarch Shabong, uba ju don bad ka seng National Peoples Party (NPP) un pyniasoh noh ialade sha ka United Democratic Party (UDP).
Ka UDP kan sa pynlong ia ka jingialang pdiang burom ia ka jingwan iasoh kine ki arngut ki rangbah ha ka 17 tarik Nailar, ha ka Iingsah u MLA ka Shella, kaba don marjan ka CrinolinSwimming Pool.