Shillong, Nailar 20 : Ki shipai Border Security Force (BSF) ka Meghalaya Frontier, kila ioh kem ia 3 ngut ki nong Bangladesh bad 3 ngut ki Pnar na khappud ka West Khasi Hills District.
Kine ki nong Bangladesh ki kynthup ia 2 ngut ki shynrang bad kawei ka kynthei. Ia kine ki Pnar la kem namar ka jingiarap pynrung tuh ia kine ki nong Bangladesh na khappud sha ri India.
Ia kine ki briew la ioh ban kem ha ka jingkhynra jong ki shipai BSF hynnin ka sngi nyngkong.
Namar ka huri hura bad ka kam umsnam ha Ri Bangladesh, ki shipai BSF kila pynkhlain bha ia ka jingpeit pyrman bad jingpahara ha khappud ka India-Bangladesh ban tehlakam ia ka jingrung tuh jong ki nong Bangladesh bad ban pynthikna ia ka jingshngain jong ka Ri.
Ia kine ki briew ba ioh kem, la aiti noh sha ki Pulit ka Jylla ba kin leh ia kaba donkam.
 ka Meghalaya Frontier, kila ioh kem ia 3 ngut ki nong Bangladesh bad 3 ngut ki Pnar na khappud ka West Khasi Hills District.){kind=link}