Shillong, Nailar 16 : Kum shibynta ban iasnohkti lang bad ka All India Federation of Government Doctors Association (AIFGDA), ka Meghalaya Medical Services Association (MMSA) ha ka sngi Thohdieng, kala deng badge iong kum ka jingpyrshah jur ia ka jingshah leh beijot bad pyniap dusmon kawei ka doktor Kynthei ha Kolkata.
“Da kaba deng badge iong, ngi ieng tylli bad la ki para doktor jong ka Ri ban pynrem ia kane ka kam pyntriem bad ban dawa ban ai mardor ia ka jingbishar kaba hok” ong ka MMSA ha ka kyrwoh.
“Ka jingsngain bad jingiada ia ki doktor ka long kaba kongsan bha bad kum kine ki jingjia ym dei ban shu sngap jar jar khlem da leh eiei” kala bynrap.
Ka MMSA kala kyntu ia ki bor Sorkar ba kin leh da kaba tyngeh pyrshah ia ki riew bymman kiba donkti bad ban pynthikna ba ki doktor kin ioh ia ka jingshngain haba treikam.
, ka Meghalaya Medical Services Association (MMSA) ha ka sngi Thohdieng, kala deng badge iong kum ka jingpyrshah jur ia ka jingshah leh beijot bad pyniap dusmon kawei ka doktor Kynthei ha Kolkata.){kind=link}