Shillong, Nailar 13: U Myntri ka tnad Excise Bah Kyrmen Shylla ha ka sngi Nyngkong u la pyntip ba un sa iakren bad ka Sorkar Assam halor ka jingbym ai transit pass ban kit ia ki tiar sha ka thain Garo Hills na kane ka Jylla ba marjan.
Hadien ba u la pyniaid ia ka jingialang, u bah Shylla u la ong, “Ngan sa thoh da ka shithi DO (demi official) sha u Myntri ka Tnad Excise Assam ban pynbeit ia kane ka jingeh…hadien ka 15 tarik u August.”
“Ngam tip na kaei ka daw ba ki la sangeh ban ai ia ki transit pass. Kim shym la ai jingtip ei ei halor kane”, u la ong.
Haba kylli, u Myntri u la ong ba wat la ki don ar tylli ki lynti kiba lah ban kit ia ki tiar sha Ri-lum Garo hynrei ka jinglut jingsep ka long kaba heh bha ban iaid na Nongstoin. “Kumta ka jinglut jingsep ka kham duna da kaba leit lyngba ka jylla Assam”, u la ong.
“Ngi kwah ban pynbeit ïa kane ka kam. Ngi kwah ban kyrpad ïa ka sorkar Assam, khamtam ïa ka tnad Excise ba kan iatreilang bad ngi,” ong u bah Shylla.
U la pyntip ba u Symbud Myntri Rangbah ka Jylla ruh un sa rah iakren ia kane ka kam bad ka Sorkar Assam.
 sha u Myntri ka Tnad Excise Assam ban pynbeit ia kane ka jingeh…hadien ka 15 tarik u August.”){kind=link}