Shillong, Nailar 15 : Ka jingiai bteng jong ka All India Trinamool Congress ban kynthoh laiphewjait ia ka sorkar Meghalaya Democratic Alliance ka la pynlong ia u MLA jong ka Nationalists Congress Party ba dei ruh u dkhot jong ka MDA ban ong ba kadei ka kam jong ka Liang Pyrshah ban kren pyrshah ia ki kam ba trei ka sorkar.
“Ka dei ka jinglong jong kano kano ka liang pyrshah ban ïa khun tyngeh bad kumba ka long mynta ka AITC ka leh kumta,” u la ong.
U Saleng u la ong ruh ba ka AITC ka la thaw ki lad ki lynti na ka bynta ki kyrtong jong ki kiban sa mih khmat ban ïakhun ïa ka elekshon kaban wan naka seng .
Haba kylli la ka jingtrei shitom jong ka AITC haduh katne katne kan wanrah ïaka jingjop ïaka seng, na ka liang u Saleng u la ong ba kim lah ban ïathuh lypa ïa kane kano kano ka lah ban jia kan shong ha kumno bad kaei kaei kaba ki paidbah ki jied.
U la bynrap shuh shuh da kaba ong ba ym don mano mano ban lah ban ong kino ki party ban jop suk ha u 2023 namar ha kaba khatduh hi dei ki nongthep vote kiban shim ia ka rai ba khatduh.
U ong ruh ba ki nongthep vote mynta ki la stad bad ki la dep ïohi ruh kaei ba kane ka sorkar ka la trei ha kine khyndiat snem ba ka ïalam ia u lakam synshar
