Shillong, Nailar 08: Ka seng Hills Farmers Union (HFU) ha ryngkat ki nongrep hynne ka sngi Palei, kila leit ujor sha u Chief Executive Member (CEM) ka Khasi Hills Autonomous district Council (KHADC) Bah Pyniaid Sing Syiem, daka ba kynnoh ba dang don ka jingot kilo iaki mar rep ha Iewduh.
Ka HFU bad ki Nongrep kila dawa na u CEM ka KHADC ban tuklar halor kane naka bynta ka bha ka miat ki nongrep.
Ki Nongrep bad ka HFU kila kyntu ia u CEM ba un tuklkar noh mardor bad ban khnang syndon iaka jing ot kilo ki mar rep, jong ki nongrep ba wan die ha Iewduh.
Kila kam ba ki ju shah khate beit haduh 10 kilo naka 100 kilo ki mar rep ba ki rah sha Iewduh.
Ki la iathuh ruh ba kum mynta ba u sying u lah dor haduh palat 100 tyngka shi kilo kumta ka jingduh nong ka jur bha lada shah khate 10 kilo man ka 100 kilo.
Ha kane ka jingkynduh ia u CEM, ka HFU kala pynkynmaw ruh ba watla ka KHADC ka la don ia ka ain ba tip kum ka Management and Control of Market Act hynrei haduh mynta kam pat treikam satia.
Ka HFU kala kam ba ki mahajon ha Iewduh, kim burom ia ka Management and Control of Market Act namar ka jingshah ot kilo iaki mar rep ka dang iai bteng.
Haba kren sha ki lad pathai khubor u President ka HFU U Bah C Shangpliang ula iathuh ba u CEM u la kular ba shen ka Council kan peit ia kane ka kam bad wanrah noh iaki kynron (Rules) khnang ba kan weng noh ia ka jingeh jong ki nongrep.
“Na ka liang u CEM u la dep ban kular ba mynta u bnai hi kin pyndep ban pyndep noh ia ki rules na ka bynta ban pyntreikam pura noh ia kane ka aiñ. Kumta ngi khmih lynti ba naduh u bnai ban wan kane ka aiñ kan sa treikam pura noh,” la ong u Bah Commander.
 ha ryngkat ki nongrep hynne ka sngi Palei, kila leit ujor sha u Chief Executive Member (CEM) ka Khasi Hills Autonomous district Council (KHADC) Bah Pyniaid Sing Syiem, daka ba kynnoh ba dang don ka jingot kilo iaki mar rep ha Iewduh.){kind=link}