Shillong Nailar 14: Ka FKJGP Agricultural Cell bad ka Khasi Jaintia Fresh Vegetables Supplier Association kila maham ba kin leh da kaba tyngeh lada lap ia kino kino kiba pynthut ia ki kali jhur kiba rung ba mih ha Jylla.
U Bah Bristar Mawthoh, Secretary Agriculture jong ka FKJGP u la pynpaw baka seng ka maham tyngeh ba nangne shakhmat kam dei ban don kano kano ka jing pynthut ia ki kali kit jhur la kidei kiba mih na ka jylla ne kiba wan rung shapoh ka jylla
U la pynpaw, kum ka Seng kaba peit na ka bynta ka bha ka miat jong ki paidbah nongrep kam lah ba shu sngap jar namar kala don ka jingujor na ki nongniah iaki trok bad ki kali kit jhur ba ha kine ki arsngi ba la dep, kala don ka jingpynthut ha lynti.
“Kum ha kane ka por ba ki nongrep ki ïap ïew bha hynrei ki riewshim kabu kila nud ban pynthut ia ki kali kit jhur” kala ong.
Kine ki arseng ki iathuh ba tang hynnin ka sngi ruh ki dor jong ki jhur kila hiar dor bha namar ka jingtieng ioh ka mih ka jingpakhang shnong na ka jingthmu ban rakhie ia ka Independence Day” kala bynrap.
Ka Seng FKJGP bad ka KJFVA ka maham ba lada lap kino kino kiba pynthut ia ki kali kit jhur kan leh da kaba tyngeh.
