Shillong, Naitung 29 : Kawei ka kali Sorkar (Gypsy) ba don u nombor ML01-5989, kaba dei jong ka Tnad Public Works Department (PWD), kala shah thang dusmon ha ki riewrunar ha ka step phyrngap jong ka sngi Nyngkong ha ka thain Nongmensong, Shillong.
Kat kum ka jingiathuh ki Pulit, kane ka jingjia kala jia ha ka por 3 baje mynstep hajan ka Post Office ha Nongmensong, Umkdait.
Ka kali kala jot phum bad iingkhong hashuwa ba ki bor pynlip ding kin lap ia kane ka jingjia.
Ki Pulit kila register case halor ka jingjia bad ka jingtohkit kala iaid shakhmat ban ioh kem ia ki briew kiba donkti.
