Shillong, Kyllalyngkot 19: Ka Kynhun Myntri jong ka sorkar jylla, hynne ka sngi thohdieng kala ai jingmynjur ia ka projek Pepsi kaba shongdor T.200 Klur kaban pyniaid da ka Varun Beverages Limited bad T.100 Klur ia ka kompani Food Pulp and Fruit Juice ha ka Mendipathar Industrial Area katkum ka Industrial Investment Policy 2024.
U Myntri Rangbah ka jylla u Conrad K. Sangma ula iathuh ba kynhun myntri kan sa mynjur ruh ia ka jingpynmih ia ka umsoh sohtrun ha kane ka jylla.
U Conrad ula pynpaw ba 90 percent ki lad ai kam kin long na ka bynta ki nongshong shnong ka jylla, ha kaba kumba 500 ngut ki riewshimet kin ioh ban trei ha ki kompeni.
U Myntri Rangbah ula pyntip ba la siew haduh T.6 Klur na ka bynta ban ai wai 30 snem sha kitei ki kompani ba kin seng karkhana ha katei ka jaka. Kane kan dei ka karkhana kaba nyngkong eh ha Mendipathar, East Garo Hills.
U Conrad ula ong, ba ka kompeni ka la jied ia katei ka jaka namar ba ka don hajan bad ka lynti rel, ka ban pynsuk ia ka leit ka wan bad ka jingshalan ia ki mar ki mata.
