Shillong, Naitung 18: U Myntri Sorkar ka tnad jngohkai Bah Paul Lyngdoh hynne ka sngi Palei, ula ong ba ka sorkar ka kwah ban pynthikna ba yn pyntrei ia ka projek Ropeway kaba kynsai kum jong kiwei ki ri ka pyrthei, ha kane ka jylla Meghalaya.
Haba iakren bad ki nongthoh khubor, u Bah Paul Lyngdoh ula ong, “Ngi dang don ha ka bynta kaba khatduh ban pynmih ia ka jingpynbeit thymmai, hynrei kumba phi tip ka aiom trei hangne ka sdang hadien ba la dep ka aiom lyiur. Ha kaba sdang jong u bnai Lber ngi dei ban lah ban iohi ba ka projek kan sdang noh shaid shaid.”
Ula ong, ba ïa ka jingplie paidbah la dep ban leh da ka President ka ri India bad ka jingtrei ia ka kam kadei ban sdang noh ha u bnai Risaw.
