Shillong, Naitung 10 : Ka Khasi Hills Autonomous District Council (KHADC) kala shim noh ia ka jaka bala aiti ban tei ia ka Police Outpost ha Langpih bad kala aiti noh sha ka Shnong ban tei ia ka Community Hall.
Ia kane la pyntip da u Chief Executive Member (CEM) ka Khasi Hills Autonomous District Council (KHADC) Bah Pyniaid Sing Syiem hapoh ka kynta kylli jingkylli jong ka Iingdorbar thaw ain ka council.
U MDC ka Laban-Mawprem Bah Mitchel Wankhar ula wanrah ia kane ka jingkylli haba kdew ba ka thain Langpih ka dei ka jaka kaba jur bha ka jingiakajia, kaba la pynlong ia ka District Council ban ai jaka ha kaban buh ia ka Police Outpost.
Haba jubab, u CEM ula ong “Ka District Council kam don satia ia ka bor ban pyntreikam iaka Police Out Post khlem ka jingiatreilang bad ka tnat kam pohing ka Sorkar Jylla namar kata, ka Council kala shim iaka rai ban aiti noh iaka jaka shaka Dorbar Shnong Nonglang ba kan pyndonkam”.
U Bah Pyniaid ula pynthikna baka District Council ka sngewkhia halor ka jinglong jingman hapoh ki thain khappud, namar kata kala iatreilang bad ka Sorkar Jylla ban buh noh daka Police Out Post hapoh ka shnong Umwali.
Ula iathuh ba iaka rai ban aiti iaka jaka shaka Dorbar Shnong Nonglang la ia mynjur daka Iingdorbar ka District Council.
“Ka jinglut ban pyntrei iaka Community Hall hapoh ka shnong Nonglang West Khasi Hills, ka long T. 30 lak bad palat 50% ki kam kila dep” ula ong.
 kala shim noh ia ka jaka bala aiti ban tei ia ka Police Outpost ha Langpih bad kala aiti noh sha ka Shnong ban tei ia ka Community Hall.){kind=link}