Shillong, Naitung 07 : Ki Pulit kim pat ioh kem satia iano iano ruh halor ka jingshah pyniap dusmon ki 4 ngut ki briew ha Umpleng, East Jaintia Hills District.
U Addl SP ka District Bah Baniateilang Jyrwa ula iathuh ba haduh mynta, arngut na kine ki briew ba shah pyniap la wan ban pynithuh da ki bahaiing hasem bad la tip kyrteng ia ki da u Ravi Rai (23) na Patha Elam, Nepal bad u Nasar Kyndait (33) ba na Dkhiah East Pohshnong, East Jaintia Hills.
Ki Pulit kila register case ia kane ka jingjia ha Khliehriat Police Station. “Ka jingtohkit mynta ka dang iaid shakhmat” ong u Bah Jyrwa.
Ha ka 6 tarik Naitung, saw ngut ki briew kila shah pyniap dusmon ha ka rukom kaba ingiew bha bad kila shah mait ruh ka khlieh ha ki runar hapoh ka shnong Umpleng.
Ki Pulit ki pyntip ba ia kine ki briew la teh bad kti bad kjah ha kajuh ka por ba long khlaw kaba don shabar jong ka Shnong.
Ki Pulit kin dang ban pynithuh sa ia arngut ki briew kiba shah pyniap.
Ka Tnad Pulit kala thaw ia ka kynhun Special Investigation Team (SIT) ban iarap ia u Investigation Officer bad kala phah ruh ia ka Crime Scene Unit na Shillong, ka Mobile Forensic Crime Scene Unit bad Magistrate ba kin hiar tohkit ha kane ka jaka.
 na Patha Elam, Nepal bad u Nasar Kyndait (33) ba na Dkhiah East Pohshnong, East Jaintia Hills){kind=link}