Guwahati, Jylliew 30 : Ka jingther u slap ha kine ki khyndiat sngi ha Assam kala pynkiew ia ka um hapoh ka Wah Brahmaputra ha kaba bun ki jaka, ka jingtuid ka um kala poi ha u dak ka jingma. Kane kala lma ruh sha ka jingngam ia palat 4000 hectare ka jaka rep kiba don ha ki 411 tylli ki Shnong jong ki 17 tylli ki Revenue Circle.
Kat kum ka jingpyntip ka Assam State Disaster Management Authority (ASDMA), ka jingshlei um kala ktah ia kumba 1.34 lak ngut ki briew kynthup ia 33,760 ngut ki khynnah ha ki 7 tylli ki District.
Kine ki District ki dei ka Kamrup, Karimganj, Dhemaji, Dibrugarh, Cachar, Tinsukia, bad Lakhimpur.
Ka District ba shah ktah jur eh ka dei ka Cachar ha kaba haduh 67,030 ngut ki briew kila shah ktah bad la bud da ka Karimganj – 27,235 ngut, Dhemaji -25,947 ngut, Tinsukia – 9,868 ngut, bad Dibrugarh – 3,857 ngut ki briew.
Palat 11,000 ngut ki briew kila don ha ki 71 tylli ki jaka sah ba shipor bad ki jaka ai jingiarap bala buh da ki bor District ha kine ki 7 tylli ki District.
Ha kajuh ka por, ka IMD kala pynmih ia ka jingmaham ba ha kine ki arsngi ba nyngkong u Naitung, kan don ka jingther u lapbah bad ka jingpom pyrkhat ha kiba bun ki jaka ha Assam.
, ka jingshlei um kala ktah ia kumba 1.34 lak ngut ki briew kynthup ia 33,760 ngut ki khynnah ha ki 7 tylli ki District.){kind=link}