Shillong, Jylliew 25: Ka Khun Hynniewtrep National Awakening Movement (KHNAM) hynne ka sngi Ba-ar, kala ujor daka ejahar (FIR) pyrshah ia u nongiasaid ain (Lawyer) uba dei ruh u nongialam ka BJP, u Ashwini Updhyay.
Ia kane ka ejahar la ujor hapoh ka Tnad Cyber Crime Shillong halor ka jingkynnoh ba u Ashwini Updhyay ula ialam bakla iaki paidbah bad ka Jylla Meghalaya Meghalaya.
Haka ejahar ka KHNAM kala pyntip ba u Ashwini Updhyay lyngba ka Video bala pynsaphriang haki rynsan Social Media ula kynnoh ba iaka Meghalaya la synshar da ka niam bad ki nongialam niam.
Ka KHNAM haka ejahar kala pyntip ba u Ashwini ula kren ba ki nongthaw ain bad kiba don haka bor Sorkar kim treikam hapoh Meghalaya.
“Ki nongialam niam bad ka niam kala synshar hapoh Meghalaya bad kane ka pynlong iaki riewngeit Hindu ban sdang phet noh napoh ka Jylla namar kim ioh ban mane Blei kumba ki ju leh” pyntip ka KHNAM hapoh ka ejahar.
Ka KHNAM kala pyntip ba u Ashwini Updhyay ula kynthoh ruh ba ki Pulit ka Meghalaya ki dei ki bym don bor bad kane ka pynlong iaki sengbhalang ban kylla long ki nonglute bad nonglum pisa. Ula kynnoh ruh wat ia ki lad pathai khubor (Media) ba kim treikam.
“Kine ki jingkynnoh u Ashwini Updhyay pynthohbria ia ka jinglong jingman ka Jylla Meghalaya ha baroh kawei ka Ri bad kane ka buh jingma iaki nong shong shnong ka Jylla kiba pule, trei bad kiba im ha kiwei pat ki Jylla ka Ri. Namar kata donkam ban leh eiei pyrshah ia u Ashwini katkum ki kyndon ain” ong ka KHNAM haka ejahar.
 hynne ka sngi Ba-ar, kala ujor daka ejahar (FIR) pyrshah ia u nongiasaid ain (Lawyer) uba dei ruh u nongialam ka BJP, u Ashwini Updhyay.){kind=link}