Nongpoh, Jylliew 06 : Ka Seng Samla jong ka shnong Saiden ha Ri-Bhoi District lem bad ki rawon jong ka dong Ri-Bhoi, hynne ka sngi Palei,kila theh symbai dohkha ha Iewsier bad ha wah Umpyrli kum ka jingpynneh pynsah ïaki doh um doh wah khamtam kaba dei ruh ka sngi pynneh mariang ne ka World Environment Day.
Kine ki kynhun kila leit ba theh haduh 15 kilo ki symbai dohkha ha kitei ki wah haba maham ïaki paidbah ba kim dei ban pynïap ne dusmon ïaki dohkha haki wah hynrei ban pynneh pynsah ïaki.
U Samla Habamut Lyngdoh President ka Seng Samla u la ong ba kum ka seng samla ryngkat ki rawon kila shimkhia ban theh dohkha ha katei ka sngi ban ai jinghikai ia ki paidbah ba kin burom bad pynneh pynsah ïaki doh um doh wah ym ban ban pynïap dusmon ne wieh dawai.
