Nongpoh, Jymmang 28 : Ka Jylla Meghalaya kala ioh ban khur haduh 9 tylli ki takma ksiar, 2 tylli ki takma rupa bad 8 tylli ki takma rynnong na ka lympung ialehkai 8th National Kung Fu Championship bala pynlong da ka Kung Fu Sports Association ka Assam.
Haduh 23 ngut ki nongialehkai ka Meghalaya Martial Arts Federation (MMAF) kila leit mihkhmat ia ka Jylla Meghalaya sha kane ka lympung ialehkai.
Haba pyntip ia kane, u Coach bad President ka MMAF Thomas Rongthaluh ula iathuh ba mynta u snem ka Federation kala paw bha ha ki jingialehkai martial arts bapher bapher kiba la pynlong ha Jylla bad ha National level bad ka don ia ka thong ban kynjoh shaduh ki International Level.
Ula pynpaw ia ka jingkmen ba ki nongialam kiba la shah jied ha kane ka National Kung Fu Championship, kila lehkai bha haduh ba kin ioh khur ia ki takma.
Ka Federation kala ai jingiaroh ia ka jingtrei shitom jong baroh ki nongialehkai bad u kyrmen ba ha ki lympung ban dang wan, ka Federation kan nang ioh khur kham bun ki takma ksiar.
 kila leit mihkhmat ia ka Jylla Meghalaya sha kane ka lympung ialehkai.){kind=link}