Shillong, Jymmang 28 : Hadien ka jingpynbna ka Meghalaya Board of School Education (MBoSE) ia ka result HSSLC (Arts, Science bad Commerce), ka Sorkar Jylla kan sa pynmih shen ia ka jingpynbna ban pynrung klas ia ki samla pule ha ki degree college ka Patharkhmah, Ri-Bhoi bad ha Rongjeng, East Garo Hills.
Ia kane la pyntip da u Myntri ka Tnad Pule Puthi ka Jylla Rakkam A Sangma uba la pyntip ba kine ki artylli ki College ki long kiba la khreh ban sdang noh ia ka jingshim klas naduh mynta u snem.
Ula pyntip ba ka Sorkar kan sa pynmih ia ka jingpynbna ha kine ki shisngi arsngi ban wan.
Ula ong ba ka jingpynrung klas ia ki Bachelor of Arts (BA) kan sdang noh mardor.
Halor ka jingthung ia ki Principal jong kine ki College, u Rakkam ula ong ba ka jingthungkam kan long hadien bala weng noh ia ka Model Code of Conduct, ka ban long hadien ka 4 tarik Jylliew, ka sngi niew vote jong ka elekshon Lok Sabha.
 ia ka result HSSLC (Arts, Science bad Commerce), ka Sorkar Jylla kan sa pynmih shen ia ka jingpynbna ban pynrung klas ia ki samla pule ha ki degree college ka Patharkhmah, Ri-Bhoi bad ha Rongjeng, East Garo Hills.){kind=link}