Shillong, Jymmang 24: Ka skul Sherwood na Tura, kala ioh bat biang ia ka kyrdan ba nyngkong ha ka eksam Secondary School Leaving Certificate (SSLC) ka Meghalaya Board of School Education (MBoSE) bala pynbna result hynne ka sngi Thohdieng.
U samla Anuj Chetry jong ka Sherwood School, Tura ula ioh bat ia ka kyrdan kaba nyngkong eh da ka jingioh haduh 575 marks bad ioh distinction haduh 6 tylli ki sobjek ba kynthup ia ka E,M,S&T,SSc,HPE,H.
Ka samla Aleytheia Syiemlieh jong ka St. Margaret Higher Secondary School, Shillong kaba wan ba-ar bad duna tang shi marks ban ioh bat lang ia ka 1st Postion. Kane ka samla kala ioh 574 marks bad ioh distinction haduh 6 sobjek ba kynthup ia ka E,M,S&T,SSc,CSc,Kh.
Ka samla Congenial Kharsahnoh jong ka Christian Academy, Shillong kaba la wan ba lai bad ioh 571 marks. Kane ka samla kala ioh distinction ha ki 6 sobjek ba kynthup ia ka E,M,S&T, SSc,HPE,Kh.
Haduh 54134 ngut ki samla kila iakhun ia kane ka eksam bad kiba pass ki long 30207 ngut, kaba kot 55.80%.
Ki skul kiba la paw ha ka thup Top 20 ha kane ka kynti ki kynthup ruh ia ka St Xavier HSS, Tura, St.Thomas HSS, Mendipathar, Synod HSS, Shillong, All Saints, Shillong, ST Gabriel, Upper Shillong, Aeroville HSS, Tura, Shangpung HSS, Shangpung, Shillong Academy, Don Bosco HSS, Tura, St.John Bosco Boys, Sohra, Laban Bengalee Girls, Nongstoin Public Secondary School, St Anthony’s HSS, Shillong, Laitdom Presbyterian SS, Laitdom, Seng Khasi HSS, Shillong, Hills Crest SS, Shillong, St. Mary Mazzarello Girls, Jowai, Sunny Hill Adventist, Mylliem, Little Star SS, Baridua bad ka Christian Girls HSS, Tura.
Na ki District, ka West Jaintia Hills kala don bun eh kiba pass kaba la kot 78.34%, bud ka East Khasi Hills kaba kot 77.09%. Kaba duna eh kiba pass ka dei ka North Garo Hills kaba long tang 23.88%.
 ka Meghalaya Board of School Education (MBoSE) bala pynbna result hynne ka sngi Thohdieng.){kind=link}