Shen yn thung Mission Director ka DREAM Project
Shillong, Jymmang 14 : U Myntri ka Tnad Social Welfare Bah Paul Lyngdoh ula ban jur ia ka jingdonkam ban bat bad khanglad ia ka jingwan pynpoi ia u droks bad kiwei ki jingdih pynbuaid na ki jaka rung (Entry Point) sha ka Jylla.
Haba iakren bad ki nongthoh khubor, u Bah Paul ula ong “Nga la dep kren ia u Symbud Myntri Rangbah ba khmih ia ka Tnad Pohiing (Police) ba ngi donkam ban pynkhlain ia ka jingtreikam ki Pulit ha ki Entry Point. 70% ki jingdih buaid kiba wan sha Meghalaya kila wan na East Jaintia Hills District bad donkam ban pynkhlain ia ka jingtreikam ki Pulit ha ka District”.
“Hynrei, kane kan urlong hadien ba pyndep ia ka jingthungkam ia palat 3000 ngut ki ban rung kam Pulit bad 500 ngut ki volunteer ka home guard. Dei tad hadien ba dep kine ki kam ngin sa lah ban tehlakam bha ia ka jingwan rung u droks” ula ong.
Haba pynpaw ka Sorkar kala dep pynbna ban iakhun kum ka thma pyrshah ia u droks, u Bah Paul ula ong ba ki sakhi kila paw na ka jingdon bun kiba shah kem, bun ki case kiba la sei madan bad bun ki nongpynkhein ain kila shah kem, kaba pyni ruh ia ka jingtreikam bha jong ka Sorkar bad ki sienjam ba kala pynbna.
U Myntri ulapyntip ruh ba ki Pulit kila dep phah ia ka thup kyrteng jong ki nongkhaii droks bala kem bunsien sha ka Advisory Board, ka ban sa shong shen hadien ba kut ka jingtreikam ka Model Code of Conduct (MCC), ba kan shim rai halor ki jingpynsajia ban ai sha ki kat kum ka PITNPDS Act, 1988.
“Ia ka thup la dep ban mynjur bad la phah sha ka Advisory Board bad hadien phin sa iohi ia ki briew ki ban shah pynngat ha ki jingpynsajia namar ka jingkhaii ia ki jingdih buaid bad kane hi kan long ka jingai mynsiem ia ka jingpyrshang jong ki ban tehlakam ia kane ka jingsniew” ula bynrap.
Ha kajuh ka por, u Bah Paul u pyntip ba ka Tnad kala tyrwa ruh ban thung ia u Mission Director ba thymmai na ka bynta ka DREAM Project namar ba u Director ba mynta um donpor satia namar kiba bun ki jingkitkhlieh ba u kit hapoh ka Tnad kam Pohiing
 ba ngi donkam ban pynkhlain ia ka jingtreikam ki Pulit ha ki Entry Point. 70% ki jingdih buaid kiba wan sha Meghalaya kila wan na East Jaintia Hills District bad donkam ban pynkhlain ia ka jingtreikam ki Pulit ha ka District”.){kind=link}