Guwahati, Jymmang 13 : Ki shipai Assam Rifles bad ki Pulit Commando ka Manipur kila ioh ban pyllait im ia uwei u samla ba shah rahbor bad iohkem ia uwei u nongrahbor ha ka jingkhynra ba long hynnin ka sngi ha Thoubal District.
Une u nongrahbor u dei uba la tip kyrteng u Md Sharif Khan ba khot sin u Masten ban a Waithou jong ka Thoubal District.
U samla uba la ioh ban pyllait im na ka kti ki nongrahbor u dei uba la tip kyrteng da u Md Amir ba khot sin u Boboi.
Kat kum ka jingiathuh ki Pulit, la ioh ban kurup ia kawei ka pistol 9mm bad 7 tylli ki kali lem bad kawei ka thuk thuk bala pyndonkam da kine ki nongrahbor.
Ia une uba shah rahbor la aiti noh sha u Kpa u Md Babibur Rahman. Ia uba shah kem la aiti sha ki Pulit ka Lilong Police Station ba kin pynlong iaka jingtohkit bad leh ia kaba donkam.
