Ngi dang ap ia ka rai, pyntip u Rakkam
Shillong, Jymmang 09: Ka Sorkar Jylla kala kyrpad ia ka National Testing Agency (NTA) ban pynlong biang da kawei ia ka eksam National Elogibility cum Entrance Test (NEET), hadien ka jingmih ki kynrum kynram na ka jingbakla sam jingkylli ha ka eksam ba dang shu dep long myn ha ka 5 tarik.
“Ngi la kren dalade ia u Chairman ka NTA bad kyrpad ban pynlong biang da kawei ia ka eksam lada long kaba lah” ong u Myntri ka Tnad Pule Puthi Rakkam A Sangma haba iakren bad ki lad pathai khubor hadien ka jingiakynduh iaka kynhun ka KSU bad JSU hynne ka sngi Palei.
“U Chairman ka NTA ula pyntip ia nga ba ki dang lum jingtip ia kaei kaba jia ha ka por ba long ka eksam. Hynrei kim pat ai ktien eiei sha nga” ula bynrap.
Haba kylli, u Myntri ula ong ba ka NTA kala pan ia ka kaiphod na ki Centre thoh eksam. “Kumta, ngi dang ap ia ka rai ka ban shim da ka NTA halor kane ka kam” ula bynrap.
Haba pynpaw ba kane ka jingjia, lada dei shisha b aka jia, ka dei ka kam kaba sngewkhia bha, u Rakkam ula ong “U Myntri Rangbah ka Jylla Conrad K Sangma ula iakren ia kane ka kam bad ki bor ba dei khmih ha Delhi”.
U pyntip ba ka Tnad ka Koit ka Khiah ruh kala iakren ia kane ka kam bad ka NTA. “U Principal Secretary ba khmih ia ka koit ka khiah Sampath Kumar ula iakren bad ka NTA” ula bynrap.
 ban pynlong biang da kawei ia ka eksam National Elogibility cum Entrance Test (NEET), hadien ka jingmih ki kynrum kynram na ka jingbakla sam jingkylli ha ka eksam ba dang shu dep long myn ha ka 5 tarik.){kind=link}