Imphal, Jymmang 06 : Namar ka jingther u phria uba jur ha Manipur hynnin ka sngi U Blei, u Myntri Rangbah ka Jylla N Biren Singh ula pynbna ban khang ia baroh ki skul bad college ka Jylla ha ka 6 bad 7 tarik Jymmang kum ka jingiada.
Haba pynphriang ia kane hapoh ka social media X (Twitter ba mynshuwa), u Biren Singh ula thoh ba ia kane ka rai la shim kum ka lad jingiada halor ka jingma ba ap na ka jinglong jingman ka suinbneng.
“Nga kyrpad ia baroh ba kin shongkhop ha iing bad tip ia kaei kaba jia. Ka Sorkar Jylla kala shim ia ki sienjam ba donkam ban iada ia ki jingim bad ki nongkynti nalor ban iarap ruh ia kito kiba la shah ktah” ula ong.
Ka Sorkar kala pynmih ruh ia ka jingpynbna ba kyrpad ia ki paidbah ba kin aiti ia ki kaiphod jingpynjulor kynthup lang ia ki dur ban lah ioh jingkhein ia ka jingpynjulor jong u phria.
“Ka jingshngain jong phi ka dei kaba hakhmat eh. Sngewbha pyntip khlem ka jingartatien lada phi donkam ia ka jingiarap. Ngi don hangne ban kyrshan ia phi ha kum kane ka por” ong u Biren Singh.
, u Biren Singh ula thoh ba ia kane ka rai la shim kum ka lad jingiada halor ka jingma ba ap na ka jinglong jingman ka suinbneng.){kind=link}