Guwahati, Iaiong 24: U President ka All India United Democratic Front (AIUDF) bad MP ka Lok Sabha Badruddin Ajmal ha ka sngi Ba-ar, ula ong ba ka party kala pynkhreh ban leit mudui sha Iingkashari Supreme Court pyrshah ia ka jingshah khang ki madrassa ha Assam ha ka Sorkar Jylla.
Haba iakren bad ki lad pathai khubor ha ka jingialang ialap elekshon, u Ajmal ula ong “Ia ki 750 tylli ki madrassa bala shah khang ha Assam, ngin sap lie biang lyngba ka Iingkashari Supreme Curt”.
Ha ka jingialap elekshon, une u Hehduh ka AIUDF ula kob ia u Myntri Rangbah ka Assam Himanta Biswa Sarma ba un sap lie biang ia 700 tylli ki madrassa ba thymmai hadien ba shimti biang kum u MP ynda jop ia ka elekshon 2024.
“Ka Sorkar Uttar Oradesh kala pynbna ban khang dam ia ki madrassa bad ka Iingkashari Supreme Court kala pynrem ia kane. Namar kane, ngi ruh ngin leit sha Iingkashari Supreme Court bad ngin sa ioh ia ka hukum na ka “ong u Ajmal.
U Ajmal ula kren halor ka jingkhang ia ka madrassa ha Jylla bad ula pyndonkam ia kane ka mat ban myntoi ha ka kam sain hima sima. Ula ong ba hadien ka elekshon, un sap lie biang ia 700 tylli ki madrassa thymmai hapoh ka Jylla.
Haduh 1281 tylli ki madrassa kila shah pynkylla bad jer kyrteng kum ki Middle English (ME) school ha Assam. Kine ki skul ki don ha ki 21 tylli ki District ka Jylla khamtam eh ha ka thain Lower Assam bad ki District ka Barak Valley.
 bad MP ka Lok Sabha Badruddin Ajmal ha ka sngi Ba-ar, ula ong ba ka party kala pynkhreh ban leit mudui sha Iingkashari Supreme Court pyrshah ia ka jingshah khang ki madrassa ha Assam ha ka Sorkar Jylla.){kind=link}