Shillong, Iaiong 16: Katto katne ngut ki samla ba thepkam Pulit, hynne ka sngi Ba-ar, kila leit iakynduh ia ka Secretary ka Central Recruitment Board (CRB) ban dawa pynbeit iaka corrigendum bad ban bishar biang iaka rta thepkam.
Naduh 10 baje mynstep, kine ki samla thepkam Pulit haka jingialam ka samla Banrilang Pyngrope, kila ialum hakhmat ka ophis ka Police Training School, kaba don ha Mawlai Mawroh.
La sakhi ruh ba ki don katto katne ngut ki longkmie kila synranglang iala ki khun ban ioh jingpynshai naka CRB haba iadei bad ka jingpynrit iaka rta thepkam Pulit.
Haba kren sha ki lad pathai khubor, ka samla Banrilang Pyngrope kala iathuh ba ki samla thep kam pulit ki khlem ioh satia ia kano kano ka jingpynshai hynrei ka CRB kala bthah iaki ban leit pan jingpynshai naka tnat Personel ka Sorkar Jylla.
“Ngi duh mynsiem namar ka Secretary kala ong ba kane kam dei ka tnat ban pynmih iaka Corrigendum ne ban pynbeit ia ka” ong ka samla Banrilang.
Naka liang ki samla ba thepkam Pulit kila pynpaw baka Sorkar kadei ban pyrkhat bha biang halor ka jingpynrit iaka rta thepkam namar bun ki samla kila pynkhreh bha ban ioh iaka kam Pulit. Ki ong ba ka daw ka dei ka jingpynslem jong ka Sorkar hi ban pynmih ia ka jingpynbna laitkam.
 ban dawa pynbeit iaka corrigendum bad ban bishar biang iaka rta thepkam.){kind=link}