Tura, Iaiong 13: Kawei ka Mahindra XUV 300 kala shah bamduh ha ka ding kaba la klang bha ha ka janmiet jong ka sngi Thohdieng kaba la jia ha ka thaiñ Tetengkol ha Tura, West Garo Hills.
Katkum ki khubor kiba la iohlum la iathuh ba katei ka jingkem ding kynsan katei ka kali kala jia ha ka por 5:30 janmiet bad ka nongniah jong ka kali ula ioh phet da ka said na katei ka jingja.
Ia katei ka kali la longtrai da ka Lisandra R Marak, kaba shong basah ha Tetengkol.
Ki paidbah kila ialum ban peitkai katba ka kali pynlip ding jong ki pulit ka dang iakhun ban pynlip ia katei ka ding kaba la klang bha hynrei katei ka kali kala julor lut bad shah bamduh ha ki thylliej ding.
Watla ha katei ka jingjia ym shim la don ban mynsaw, hynrei ki pulit kila sdang ban pynlong ia ka jingtohkit ban lap ia ka daw tynrai.
Kawei ka longkmie kaba shong die jingdie hajan katei ka thaiñ, kala ong, “Katba nga dang peitkai ia ka mobile, iwei I khynnah rit ila ong ia nga, ban peit ia ka jingpluh jong katei ka kali. Dei ha katei ka por ba nga la iohi bad nga la sheptieng ba ioh katei ka kali kan bthei kumba ju iohi ha ki phlim”.
Kala iathuh ba ka ding kala ieng bha bad kala sheptieng bha bad kala klet ruh ban ring video ia katei ka jingjia da ka mobile phone.
